My storie is nog nie verby nie
Die skoenlapper in pers en blou – dis jy na die storm. Pers vir die genesing, blou vir die vrede waarvoor jy geveg het. Dit het nie maklik gekom nie. Daar was ‘n kokonfase. Daar was dae wat jy gedink het jy sou nie weer vlieg nie.
Maar jy het.
Hierdie woorde is nie net versiering nie. Hulle is ‘n middelvinger vir elke keer wat die lewe probeer het om “Die Einde” vir jou te skryf. ‘n Herinnering op slegte dae dat hierdie net een hoofstuk is.
Dis op jou arm sodat jy dit kan sien wanneer jy moeg is. Sodat jy onthou:
“Ek is nog steeds hier. Ek groei nog steeds. En die beste dele het nog nie gebeur nie.”
Dis veerkragtigheid wat op die vel ingeprent is
